TORNEO "XENERAL AZCÁRRAGA"

Este cuarto e último dos torneos "Nadal na Cidade Vella" recorda a historia do Xeneral Azcárraga. Marcelo Azcárraga Palmero (1832–1915), o único xefe de goberno español nado nas Filipinas, foi un destacado militar e unha figura clave da Restauración. Como aliado indispensable de Cánovas no Partido Conservador, presidiu o Consello de Ministros en tres ocasións, actuando sempre como un líder pragmático e conciliador nos momentos de crise da monarquía.

A súa vinculación coa cidade xorde da súa xestión política para que a Capitanía Xeral permanecese na Coruña, consolidando así o seu status administrativo. Por iso, en 1896, o Concello dedicoulle a que fora a praza principal da cidade: a Praza da Fariña (ou do Mercado). Nela instalouse posteriormente a Fonte do Desexo, que abastecía de auga á veciñanza da Cidade Vella.

E, como sempre, non queremos rematar esta pequena introdución agradecendo de novo ó Concello da Coruña o seu apoio que fai posible a celebración deste torneo.

*** TORNEO "XENERAL AZCÁRRAGA" ***

Data: 26 de decembro de 2025.

Lugar: Colexio Santo Domingo FESD, Praza de Santo Domingo, A Coruña

Ritmo: 15' + 10''

Horario:

Presentación: 16,45

1ª Rolda: 17,00

2ª Rolda: 17,50

3ª Rolda: 18,40

4ª Rolda: 19,30

5ª Rolda: 20,20

A entrega de trofeos realizarase ó finalizar (aprox. 21,10).

O emparellamento será realizado polo programa ChessManager.

Os xogadores poden solicitar os bye que desexen, avisando a organización antes do comenzo da rolda 1. Outorgaranse 0,5 puntos. Os bye por imposibilidade de emparellamento serán de 1 punto.

Criterios de desempate:

1. Bucholz -1
2. Bucholz
3. Sonneborn-Berger
4. Progresivo
5. Enfrontamento particular
6. Número de victorias
7. Número de victorias con negras

Premios:

Haberá trofeo para os 3 primeiros clasificados e para o mellor alumno/a do Colexio Santo Domingo FESD de A Coruña.

Todos os participantes recibirán unha medalla de recordo da actividade.

Os xogadores competirán nunha soa categoría e non só contra xogadores da súa idade.

***   ***   ***

Inscrición:

Máximo 32 participantes. 

A participación nos torneos é gratuíta. 

A inscrición realizarase a través do seguinte formulario:

PREME AQUÍ PARA INSCRIBIRTE

Advertencia 1:  Os participantes na proba autorizan a publicación dos seus datos persoais nos diferentes medios que a organización considere oportunos para a necesaria difusión do evento (resultados, clasificacións, participantes, etc.) así como a súa presencia nas fotos realizadas cos mesmos propósitos.

Advertencia 2: Para o mellor funcionamento do Torneo, a organización pode ampliar as bases do mesmo antes da celebración da proba.

A participación leva aparellada a aceptación destas normas.