TORNEO "CIDADE VELLA"

O segundo dos torneos desde Nadal está dedicado á Cidade Vella no seu conxunto. Tamén coñecida como Cidade Alta, constitúe o núcleo histórico, nobre e orixinario da Coruña, caracterizado polo seu trazado medieval irregular e un rico patrimonio monumental declarado Conxunto Histórico-Artístico. Antigamente protexida por murallas defensivas, das que só quedan algúns restos, esta área alberga xoias arquitectónicas relixiosas e civís que testemuñan a súa importancia como antigo centro administrativo, militar e relixioso.

Imos celebrar o torneo no Centro Cívico Cidade Vella, que ocupa o Palacio da Veeduría. Non hai demasiada información anterior a 1640, pero puido servir de aloxamento ó emperador Carlos I na súa estadía na cidade. Nese ano pasou a mans da Real Facenda, e consolidou a súa fisionomía urbana e importancia administrativa durante o século XVIII grazas ás reformas de Antonio de Gaver para aloxar a Intendencia, sendo posteriormente actualizado en 1902 polo enxeñeiro Arias Sanjurjo para acoller as oficinas do Goberno Militar. 

E non queremos rematar esta pequena introdución agradecendo de novo ó Concello da Coruña o seu apoio que fai posible a celebración deste torneo.

*** TORNEO "CIDADE VELLA" ***

Data: 12 de decembro de 2025.

Lugar: Centro Cívico Cidade Vella, rúa Veeduría nº 2, A Coruña

Ritmo: 5'+ 3''

Horario:

Presentación: 17,15

1ª Rolda: 17,30

2ª Rolda: 17,50

3ª Rolda: 18,10

4ª Rolda: 18,30

5ª Rolda: 18,50

6ª Rolda: 19,10

A entrega de trofeos realizarase ó finalizar (aprox. 19,30).

O emparellamento será realizado polo programa ChessManager.

Os xogadores poden solicitar os bye que desexen, avisando a organización antes do comenzo da rolda 1. Outorgaranse 0,5 puntos. Os bye por imposibilidade de emparellamento serán de 1 punto.

Criterios de desempate:

1. Bucholz -1
2. Bucholz
3. Sonneborn-Berger
4. Progresivo
5. Enfrontamento particular
6. Número de victorias
7. Número de victorias con negras

Premios:

Haberá trofeo para os 3 primeiros clasificados e para o mellor alumno/a do Colexio Santo Domingo FESD de A Coruña.

Todos os participantes recibirán unha medalla de recordo da actividade.

Os xogadores competirán nunha soa categoría e non só contra xogadores da súa idade.

***   ***   ***

Inscrición:

Máximo 32 participantes. 

A participación nos torneos é gratuíta. 

A inscrición realizarase a través do seguinte formulario:

PREME AQUÍ PARA INSCRIBIRTE

Advertencia 1:  Os participantes na proba autorizan a publicación dos seus datos persoais nos diferentes medios que a organización considere oportunos para a necesaria difusión do evento (resultados, clasificacións, participantes, etc.) así como a súa presencia nas fotos realizadas cos mesmos propósitos.

Advertencia 2: Para o mellor funcionamento do Torneo, a organización pode ampliar as bases do mesmo antes da celebración da proba.

A participación leva aparellada a aceptación destas normas.