Inscricións na COPA GONZÁLEZ MARCH 2026

Do 24 ó 28 de agosto imos celebrar a COPA GONZÁLEZ MARCH 2026. Vén de rematar o período de inscrición reservado ós socios do Sporting Club Casino, polo que xa a abrimos a todo o público. Podes consultar os xogadores inscritos en cada torneo en:

• https://info64.org/copa-gonzalez-march-2026-sub14
• https://info64.org/copa-gonzalez-march-2026-absoluto

As bases, xunto coa ligazón ó formulario de inscrición, están aquí! Anímate e participa!

COPA GONZALEZ MARCH 2026

O Club Ludo – Sociedade Deportiva ten o pracer de organizar de novo neste 2026, en colaboración co Sporting Club Casino, a COPA GONZÁLEZ MARCH. Nela conmemórase a figura dun directivo histórico desta entidade coruñesa —actualmente radicada nos limiares da Cidade Vella— que estivo intensamente vinculado ó desenvolvemento do xadrez.

José González March ten o orgullo de ser a primeira persoa homenaxeada pola Federación Galega de Xadrez, segundo a acta do 21 de xaneiro de 1935. Aquela iniciativa, acollida con enorme entusiasmo por todos os asembleístas, recoñeceu a entrega incansable dun afeccionado que traballou polo taboleiro.

Malia os seus problemas de saúde, asistiu e colaborou en eventos federativos fóra da cidade herculina. Asumiu a tesouraría da Federación Galega e da Federación Española, deixando unha xestión exemplar. Grazas ao seu impulso organizáronse grandes festivais e A Coruña acadou tres grupos federados. Como deportista, foi un dos xogadores máis fortes do seu tempo, asinante de partidas de enorme mestría. Por todo este legado, a federación nomeouno socio de honra e entregoulle un álbum tributo asinado por toda a afección galega.

A súa pegada entronca cunha saga relevante na cidade: foi pai do escritor Miguel González Garcés (cun busto na Maestranza) e avó do ex-concelleiro Carlos González-Garcés.

Para poder levar a cabo este torneo de homenaxe, agardamos contar co apoio do Concello da Coruña.

BASES COPA GONZALEZ MARCH 2026

Organizan: Club Ludo – Sociedade Deportiva e Sporting Club Casino

Datas: Do 24 ó 28 de agosto de 2026

Local de xogo: Sporting Club Casino. Rúa Real, nº 83 – A Coruña. 

TORNEO SUB14

Sistema e Ritmo: 

• Xogarase por sistema suízo a cinco roldas.

• O ritmo será de 25' + 10''.

• Valedoiro para ELO FIDE rápido.

Horario: 

• O primeiro día a presentación será ás 16,30. 

• Horario das partidas: 17,00 horas.

• Os xogadores poden solicitar os bye que desexen, avisando á organización antes do comezo da rolda 1. Outorgaranse 0 puntos. Os bye por imposibilidade de emparellamento serán de 1 punto.

Criterios de Desempate:

1. Bucholz

2. Bucholz-1

3. Progresivo

4. Partidas gañadas

5. Resultado particular

6. Partidas xogadas con negras.

Criterios de Participación: 

1. Será necesario contar con licenza federativa en vigor. 

2. Reservado a xogadores menores de 14 anos.

3. Haberá un máximo de 32 participantes.

Premios: 

• Trofeo para os 3 primeiros e para o 1º clasificado socio do Sporting Club Casino.

• Medalla para todos os participantes.

TORNEO ABSOLUTO

Sistema e Ritmo: 

• Xogarase por sistema suízo a cinco roldas.

• O ritmo será de 60' + 30''.

• Valedoiro para ELO FIDE estándar.

Horario: 

• O primeiro día a presentación será ás 18,00. 

• Horario das partidas: 18,30 horas.

• Os xogadores poden solicitar os bye que desexen, avisando á organización antes do comezo da rolda 1. Outorgaranse 0 puntos. Os bye por imposibilidade de emparellamento serán de 1 punto.

Criterios de Desempate:

1. Bucholz

2. Bucholz-1

3. Progresivo

4. Partidas gañadas

5. Resultado particular

6. Partidas xogadas con negras.

Criterios de Participación: 

1. Será necesario contar con licenza federativa en vigor. 

2. Aberto a todas as idades, pero xogarase nunha única categoría.

3. Reservado a xogadores con ELO estándar menor que 2400 puntos (incluíndo xogadores sen ELO) 

4. Haberá un máximo de 32 participantes.

Premios: 

• 1º posto: Trofeo e 70 euros.

• 2º posto: Trofeo e 50 euros.

• 3º posto: Trofeo e 40 euros.

• 4º posto: 35 euros.

• 5º posto: 30 euros.

• 6º posto: 25 euros.

• 1º clasificado socio do Sporting Club Casino: Trofeo.

• Pequeno agasallo e medalla para todos os participantes.

INSCRICIÓNS:

• A cota do torneo sub14 será de 10 euros. A cota do torneo absoluto será de 15 euros. Para aqueles xogadores sub14 que participen nos dous torneos, a cota total para ambos será de 20 euros.

• Os socios do Sporting Club Casino e o alumnado do Colexio Santo Domingo FESD terán unha bonificación do 50 % sobre estas cotas.

A inscrición realizarase a través do seguinte formulario:

*** PREME AQUÍ ***

• O prazo permanecerá aberto ata o 22 de agosto ou ata que se complete a cabida prevista.

• Ata o día 5 de agosto terán preferencia na inscrición os socios do Sporting Club Casino.

O pago realizarase durante a primeira xornada de xogo.

CLAUSURA:

Horario para o torneo sub14: 18,30 horas aproximadamente. 

Horario para o torneo absoluto: 21,30 horas aproximadamente.

É obrigatoria a presenza na cerimonia de clausura para recoller o premio. 

Director do Copa: José Manuel Andión Fernández

Árbitro Principal: Francisco Javier García Veiras

Asistente: Marcos Martínez Ramos

As decisións tomadas polo árbitro principal serán inapelables. 

Aspectos Varios:

A inscrición no torneo supón a aceptación destas bases e a autorización para publicar datos persoais e/ou fotografías nos diversos medios de difusión e comunicación que a organización considere oportunos para a mellor divulgación do torneo e dos seus resultados.

Para o non especificado nestas bases aplicarase o regulamento da FIDE. 

En caso de xogadores que se inscriban e non asistan ou ben abandonen o torneo, a organización poderá vetar a súa participación en calquera outro torneo organizado polas entidades convocantes nos próximos dous anos.

A organización reservase o dereito de admisión e o dereito a modificar as bases do torneo sen outro requisito que a súa publicación na web www.clubludo.com 

Inscricións no TORNEO MERINO 2026 – XXI LUDO LÓSTREGO

Lembramos que o vindeiro luns 22 ás 20:00 celebramos o TORNEO MERINO 2026 – XXI LUDO LÓSTREGO. Aquí podes consultar a listaxe de inscritos:

https://info64.org/torneo-merino-2026-xxi-ludo-lostrego

Aínda estás a tempo de apuntarte! Tes as bases, co formulario de inscrición, aquí! Anímate!

TORNEO MERINO 2026 – XXI LUDO LÓSTREGO

O Club Ludo - Sociedade Deportiva foi fundado o 21 de xuño de 2002. Esta mesma data coincide co nacemento, no ano 1939, de Domingos Merino, quen foi un dos xadrecistas máis destacados de Galicia e alcalde da cidade da Coruña.

Co obxectivo de conmemorar tanto a fundación da nosa sociedade coma o nacemento de Merino, o Club Ludo e a familia do homenaxeado promoven a celebración anual deste torneo en datas próximas ó 21 de xuño na Coruña. Deste xeito, a proba blitz, que foi a primeira das creadas pola nosa entidade, incorpora formalmente o apelido Merino na súa denominación desde 2023. Visto o bo resultado de participación de edicións anteriores, este ano o torneo seguirá sendo valedoiro para ELO FIDE blitz.

Tamén queremos expresar o noso sincero agradecemento ó Centro Comercial Los Rosales por permitirnos empregar as súas instalacións como local de xogo. Así mesmo, agardamos contar, aínda que de momento está pendente de confirmación definitiva, co apoio económico do Concello da Coruña.

*** BASES DO TORNEO MERINO 2026 - XXI LUDO LÓSTREGO ***

Data: Luns 22 de xuño de 2026.

Local de Xogo: Centro Comercial Los Rosales, 1ª Planta.

Sistema e Ritmo: 

• Xogarase por sistema suízo a cinco roldas.
• O ritmo será de 5' + 3''.
• Valedoiro para ELO FIDE.

Horario:

• Presentación: A partir das 19,30
• 1ª Rolda: 20,00
• 2ª Rolda: 20,20
• 3ª Rolda: 20,40
• 4ª Rolda: 21,00
• 5ª Rolda: 21,20
• A entrega de trofeos realizarase ó finalizar.

Criterios de Desempate:

1. Bucholz
2. Bucholz-1
3. Progresivo
4. Partidas gañadas
5. Resultado particular
6. Partidas xogadas con negras.

Criterios de Participación: 

1. Será necesario contar con licenza federativa en vigor. 
2. Todos os xogadores competirán nunha única categoría.
3. Haberá un máximo de 32 participantes.

Premios:

Haberá trofeo para os 3 primeiros clasificados e para o mellor xogador alumno do Colexio Santo Domingo-FESD.

Inscricións:

A cota de participación é de 5 euros. 

As inscricións realizaranse exclusivamente a través do formulario ligado:

*** PREME AQUÍ *** 

Advertencia 1:  Os participantes na proba autorizan a publicación dos seus datos persoais nos diferentes medios que a organización considere oportunos para a necesaria difusión do evento (resultados, clasificacións, participantes, etc.) así como a súa presencia nas fotos realizadas cos mesmos propósitos.

Advertencia 2: Para o mellor funcionamento do Torneo, a organización pode ampliar as bases do mesmo antes da celebración da proba.

Director do Torneo: José Manuel Andión Fernández

Árbitro do Torneo: Francisco Pedreira Giralda

A participación leva aparellada a aceptación destas normas.

Falecemento de Ernesto Pérez Ramil

Faleceu Ernesto Pérez Ramil, ex-alumno e gran impulsor do xadrez nos Dominicos. Principalmente grazas a el fundouse en 1983 o club de xadrez no colexio, que chegou a ser un referente no xadrez escolar de Galicia. Formou a innumerables xogadores ó longo da súa vida, moitos deles alumnado do colexio, e encargábase da organización dunha gran parte dos torneos celebrados na cidade da Coruña, incluídos os nosos, ata que desde hai uns meses unha enfermidade lle impedía acompañarnos presencialmente. Ernesto deixa unha fonda pegada no xadrez galego é, desde o Club Ludo, agardamos contribuír a manter o seu legado. 

Que o noso querido amigo descanse en paz.